Wentzlab von Aschach, der oler, und Helen, sein hausfrau, habent versatzt uberteuerung ire hauss irer zwair hewser, gelegen aneinander im Vischhof zu Wienn genant der vögelin haus und stossent herfur mit den kremen an den hohenmarkt zenagst des Vannawer haus an aim tail und an dem andern zenagst dem riemhaus, uber die vir mal, die man jerlich dint in der purgerspital zu den vir quatembern und abzulosen sind mit dreinhundert pfunt pfeningn so das spital vor darauf hat, und über die funfhundert pfunt pfening, so hern Hannsen des Wurffl nachmaln darauf verschriben sein. Dem erbern Oswalten dem Weinperger, burger zu Wienn, und sein erben, umb hundert und zwaintzig pfund Wienner pfening und sind zu beczalen auf die nagstkunfftigen Ostern anvercziehen. Actum an sand Jacobs abent im snit, anno etc. xliiito.

Summa i tl. d.

Habet cedulam.

Habet cedulam.