Eintrag vom 1456-08-20 Informationen zum Dokument

Wolfgang Ruland, burger zu Wienn, hat versaczt sein haws, das er von der Stewekerin kaufft hat, gelegen am Newnmarkt zenagst dem andern sein haus an aim tail und an dem andern zenagst Andres Schönaich haus. Hannsen, seim sun, den er pey seiner erern hausfraun Margrethen Ulreichs Benkerleins tochter seligen gehabt hat, der noch nicht vogtper ist, und seinen erben, den das rechtlich zugepurt, umb hundert und sechczig pfunt pfening, die im für seiner muterlichen erbtail zugepürt habent von des hauss wegen gegen der hohenschul uber zenagst Kristoffs Sigharts haws gelegen das gesambte hand gewesen ist und der egenanten Ruland verkaufft hat, und sind zubetzalen wen der egenanten Hanns sein sun vogtper wirdet und ob er ungevogt abging darnach seinen erben den das rechtlich zugepurt an alles vercziehen. Actum an Freitag sand Pertlmes tag, anno domini etc. lvito.

Summa x s. xx d.