Eintrag vom 1458-08-04Informationen zum Dokument

Wolfgang aufm Winkchl, der sneider, hat versaczt sein haws, gelegen in der Wildwercherstrass gegen hern Otten und Hayman cappellen über zenagst Chunczen des vasczieher haws und stosset mit dem hindern tail an Hainreichs Stamphweg des sneider haws. Elspethen, seiner hausfrawn, und irn erben oder wenn sy das schafft, umb cc tl. d. lanndeswerug. Und wan der egenant Wolfgang sneider mit tod abget, so sullen dann sein nagst erben die egenanen cc tl. d. der egenenanen Elspeten seiner hausfrawn von dem benanten haws ausrichten und beczallen nach seinen abgang und dem nagsten halben jar an alles vercziehen. Ging sy aber ab mit tod ob er denn der vorgenant Wolfgang ir man, so sullen dann ir nagst erben oder wenn si das schafft die vorgenant cc tl. d. auf dem egenant haws ledigklichen haben und der davon bekomen als recht ist ungeverlich. Actum an Freitag vor sand Oswalts tag, anno etc. lviiio.

Summa xiii s. d.

Anna habet cedulam.