Wolfganng Ottinger, der kursner, mitburger ze Wienn, hat verkaufft newn phunt wiener phening gelts purkrechts auf seiner padstuben genant zu den schewkchen, gelegen an der Vischersteg zu Wienn zenagst Jacoben Wiltsfewr haws an aim tail. Umb newtzig phunt Wienner phening, die emaln gelegen gewesen sein auf Jorgen Gundakcher des fleischagker mitburger zu Wienn und Annen seiner hausfrawen halben hauss ganntzes gelegen in der Kernerstrass mit dem vordern tail zenagst Rueprechten Ryemer hawss und mit dem hindern stosset dasselb haws in das Kumphgéssl die man damit darob geledigt und gelosst hat. Dem erbern priester hern Sigmunden Habemer von Swenging, dietzeit kapplan der mess die fraun Dorothe Niclasen Tanwald witib zu Sand Steffan zu Wienn zuschtifften geschafft hat und die der rat zu frawen Elsppethen Redischerin mess die auch dem benanten heren Sigmunden verlihen ist, geaignet und zu gewydemt hat, und seinen nachkomen capplan der egenanten mess und sind zu diennen zu drein tegen und widerumb abtzekauffen mit newtzig phunt Wienner phening miteinander und den nagsten dinst damit Actum ut littera sonat. Actum an Freytag nach sand Thomans tag apostoli anno domini lxiiio.

Summa vi s. d.

Das purkrecht ist abgelosst und zum gruntpuch erlegt. Actum an freitag post omnium sacntorum ut registrum