Eintrag vom 1467-12-14Informationen zum Dokument

Wolfgang Weger, burger zu Wienn, hat versaczt sein hawss mit seiner zugehörnung, gelegen in der Wolczeil mit dem vordern tail zenagst weilennt der Thöm Swarczin seligen hawss und stosset mit dem hindern tail in der Vordern Pekhenstrass an der Mulhawser hawss. Dem erbern Ulreichen Wagler, dem appotegker, burger zu Wienn, diezeit pawmaister hincz sand Jeronimy hie, und seinen nachkomen zu hannden desselben pawt, umb hundert phunt Wienner phening und sind zubezalen zu sand Jorgen tag, zu sand Merten tag und von den yetzgenanten sand Jorgen tag uber ain gantz jarr all tag und frist nagstenacheinander kunfftigen zu yeden benanten tag xxxiii tl. und lxxx d. getrewlich und ungeverlich. Actum an Montag post Lucie, anno domini etc. lxviimo, ut littera sonat,

Summa vi s. xx d.