Eintrag vom 1468-09-30Informationen zum Dokument

Walthasar Elsendorffer hat versaczt sein haws, gelegen am hof seiner zugehornungen mit dem vordern tail zenagst dem Kassten und mit dem hindern zenagst dem fleischof und stosset auch mit ainer seytten mitsambt dem stall und garten dapey in den Tewffengraben. Dem erbern Mathesen Langenmantel, burger zu Wien, seinen swager, und seinen erben, umb hundert und sechs phunt phening und sind zubezalen auf den nagstkunfftigen sand Michels tag an alles verziehen getrewlich ungeverlich. Actum an sand Jeronimy tag, anno etc. lxviiimo.

Summa vii s. ii d.

Langenmantel habet cedulam.

Nota der sacz ist ledig gesagt durch den Langenmantel quittung und aufsandbrief der zum puch gelegt in praesentia desselben Langenmantel hausfrau des Elsendorffer swester.