Walthesar Elsendorffer, burger zu Wienn, hat verkaufft syben Ungrisch guldein in golt jerlicher gult auf der ubertewrung seins hauss, gelegen an der hertzogen hof mit dem vordern tail zenagst dem kasten und mit dem hindern zenagst dem Fleischhof und stosset auch mit ain tail mitsambt dem stall und garten in den Tewffen graben, uber die hundert und sechs phunt phening, so Mathesen Langenmantl seinem swager vormaln darauf verschriben sein- Umb hundert Ungrisch guldein gerecht in golt und wag, der erwurdigen facultet der juristen zu Wienn und allen irn nachkomen. In der maynigen das er und sein erben nú furbaser der egenanten facultet die egenanten siben guldein gelts jerlich ausrichten zu sand Jorgen tag nagstkunftigen. Es ist auch dieselb gult wider abtzekauffen zu ainer yeden zeit im jar umb hundert Ungrisch guldein in gold und die nagst gult damit, ut littera. Actum an Sambstag nach sand Pauls tag der bekerung, anno etc. lxviiiio.

Summa vi s. xx d.

Nota die egnanten ic fl. sein der gemelten facultet durch Barbaren des egenanen Elsndorffer witiben widerumb auf dem haws verschriben, ut libro E folio 121