Wilham Sambss und Anna sein hausfraw habent versaczt ir haws seiner zugehornung, gelegen am Liechtensteg zenagst Jobsten von Fuld des appotegker hawss. Lamprechten, Ursulen und Appolonien der bemelten Annen kindern, die sy bey irem erern mann Andren Stainprecher seligen gehabt hat, umb zwayhundert phunt phening, die herkomen sind von wegen ains hawss genant das Eysgrüebel gelegen an sand Petersfreithof zenagst Larentzen panhaltz hawss und darumb verkaufft ist, und sind zubezalen yedem seinem tail wann es vogtper wirdet anverziehen. Wer aber das ir ains oder meniger ungevogt abgingen, so sul des oder derselben tail gelts gevallen auf das aber die andren seine egente geswisternd so denoch in leben sein. Giengen sy aber alle ungenogt ab, so sullen die bemelten zwayhundert phunt phening widerumb gevallen auf die vorgenannten Annen ir muter ledichlich an irreung. Actum an Sambstag nach sand Thomans tag apostoli, anno domini etc. lxxmo.

Summa xiii s. x d.

Ex iussu consily.