Wolfgang Turner und Margreth, sein hausfraun, habent versaczt irn tail hawss mit seiner zugehorung, gelegen auf der Hohenpurgk des gegentail Wiltpolt Grablokh yecz innhat. Junkfrauen Magdalen und junkfrauen Barbaren, seinen kindern, die er pey seiner erern hausfrauen Margrethen seligen elich gehabt hat, und noch ungevogt sein und irn erben, umb acht phunt phening, die herkomen von ain hauss mit seiner zugehorung gelegen vor Widmertor zu Wienn auf dem Pühel pey Sand Tybolt zenagst Linharts Grediger haws darumb der egenant Wolfgang Turner und sein egenante erern hausfraw Margreth in der geistlichen herrn zu den Schotten gruntpuch mit gesambter hannd nutz und gewer geschriben gewesen sein und den von vorgenanten kindern von der egemelten irer muter gesambten hannd wegen irs tails zugepirnt, und sein zubetzalln wann die egenanten kinder vogtper werden oder ob irn ungevogt abgiengen darnach sein nagsten erben an alles vertziehen. Actum an Mitichen vor sand Lucein tag, anno etc. lxxio.

Summa xvi d.

Turner habet cedulam repositam ad librum fundi Scotorum