Wolfgang Fuchsperger, leinbater, und Anna, sein hausfraun, habent verkaufft newn phunt Wienner phening gelts purkrechts auf der ubertewrung irs hauss, gelegen vor Werdertor zenagst Wolfgangs Prunner haus, uber die vi tl. d. gelts purkrechts, die dem zechmaister Sand Niclas zech zu hannden der kirchen und pharmenng zu Awerstal vor darauf zu schreiben sein, und auf irem klewbhof daselbs im obern Werd, der da gehortt in das ambt daselbst, davon man jerlich dint der stat zu Wienn virtzig Wienner phenig an sand Michels tag zu rechtem gruntdinst und nicht mer. Umb zwayundsibentzig phunt Wienner phening, die emalen auf Micheln Lanng des Kramer und Kathrein sein hausfrauen hawss am Saltzgriess zenagst · des Bishofs von passaw hof gelegen gewesen sein, dem erbern priester hern Jorgen Glatz, capplan Sand Sigmund und Sand Wolfgang altar in Sand Steffans kirchen, und seinen nachkomen kapplan dasselben altars und sind zu dienn zu drein tegen im jare und widerumb abzukauffen miteinander mit zwaiundsiibentzigk phunt Wienner pfening und dem nagsten dinst damit, ut littera sonat. Actum an Montag vor sand Giligen tag, anno domini etc. lxxiio.

Summa ½ tl. xxiiii d.

Nota daz benant haws in dem sacz angerurt ist durch Wolfgangs Flannssn anstat Sand Niclas zech zu Aurestal egemelt von wegen der lx tl. d. haubtguts purkhrechts und xlviii des versessenen purkhrechtsdinst mit recht erlangt laut der gericht zum puch erlegt und das darauf verkhauft Kathrin Widlin und hern Hannsen irem son.