Eintrag vom 1473-12-22Informationen zum Dokument

Margret, Wolfgangs Turner seligen witib, hat versatzt die ubertewrung irs tail hawss mit sambt allen den gemechen und gemainen stukhen so dartzu gehorn, gantzes gelegen auf der hohenprugk zunagst Steffans prunner haws, des gegntail Wiltpolt Groblokh ir vetter yetz innhat, uber die acht phunt phening, darumb es emallen junkfraun Magdalen und Barbaren des obgnanten Turner seligen kindern versatzt ist. Denselben kindern, die der vorgnant Turner bey weilend seiner erern hausfraun Margreten seligen gehabt hat, umb hundert guter Ungrischer guldein gerecht in gold und wag und sein zubetzallen yeden seinen tail wann es vogtper wird. Wer aber dasz ir ains vngevogt abgieng, so sol sein tail guldein gefallen auf das ander so dannoch in leben ist. Gingen sy aber baide vngevogt ab, so sullen die bemelten hundert guldein gevallen hintz den Weissenbrüdern zu Sand Peter und und Sand Pauls altar den Kristan von Strasburg gestifft hat, damit dann auf demselben altar teglich ain mess sol gehalten werden nach lautt des obgenanten Turner seligen gescheft das im statpuch hir geschriben stet. Actum an Mitichen nach sand Thomans tag apostoli, anno domini etc. lxxiiio.

Summa i tl. xx d.

Paul Engelhartt sneider habett zedulam.

Ex jussu consilii.