Eintrag vom 1438-11-26Informationen zum Dokument

Adiatica, Fridreichs von Dorffen seligen witib, hat versatzt ir haws, gelegen undern Satlern zu Wienn zenagst Oswalds des Oberndorffer haus, und daz zuhaws das hinden daran stosst, das ettwenn Niclasen Veder des gurtler gewesen ist. Dem erbern herren hern Thomann Roppolt, achter zu Sant Stephan zu Wien, umb hundert und zwaintzig guter newer Ungrischer guldein gerecht in gold und wag, die sy demselben hern Thomann seinen erben oder wem er die schafft ausrichten und beczalen sol halb auf den vaschang schirist kunftig und halb auf die Ostern darnach nagstkunftig, an alles vercziehen. Actum an Mitichen nach sant Kathrein tag, anno etc. xxxviiio.

Summa vi s. xx d.