Anna, Hannsen des Múeleichs von Ingelstat hausfraw Ulreichs des Reinsmids seligen tochter, hat auf den dreinhunderten und sechczehen pfunt pfeningen, die ir von irm bruder Hainreichen dem Reinsmid nach ausweisung seins geschéffts rechtlichen zugepúrn auch angevallen und auf Thomans des Swartzen haus in der Wolczeil hie gelegen, daz ettwen des benanten írs bruders gewesen ist, verphennt und verschriben sein. Dem fursichtigen und weisen Ulreichen Schrot, burger hie zu Wienn, versaczt und verschriben xxxii tl. d., die si von im an dem egemelten sacz emphangen hat. Also das derselb Ulreich Schrot und sein erben nu furbaser die benanten xxxii tl. d. auf dem obgemelten irm¹ sacz lediklichen haben und davon wenn si des nicht lenger empern wellent, bechomen sullen und mugen wa so sy nagst und pest kúnnen und mugen an all ir widersprechen ungeverlich. Actum an Montag nach Sant Andres tag, anno etc. xxxviiio.

Summa lxiiii d.

Nota datz gelt ist zu dem puch gelegt Sabatum ante Colomanni 1439.