Eintrag vom 1442-03-02Informationen zum Dokument

Andre Prew der weinkoster hat versaczt sein halbs haus gantzes gelegen am Alten Fleischmarkt zenagst Ulreichs Drosendorffer haus, mit allen den gemechen und gemainen stukhen, die nach laut der tailbrief zu demselben halben hauss gehörnt. Jorgen, Ulreichs Swieg des kursner seins vorvadern seligen sun, für dreissig pfunt pfening, die Ursula des benanten Jorgen muter dem egenant Andren Prew auch irm mann zubracht hat. Also das die derselb Andre sein sel lebttég sol innhaben núczen und niessen unverchumert uncz an seinen tod und nach sein abgang sullen denn dieselben xxx tl. d. erben und gevallen auf den egenant Jórgen, oder ob der nicht enwér darnach auf der egenant Ursulen seligen weilnt seiner hausfrawn seligen nagst erben, darauf si denn zurecht erben und gevallen sullen, die dann das vorgenant halb haus dafur inhaben nuczen und niessen sullen solang untz das es des egenanten Andres erben oder wem er das schafft dasselb halb haus umb dieselben xxx tl. d. von ir losent an allen krieg. Actum an Freitag vor Oculi, anno etc. xliido.

Summa lx d.

Die xxx tl. hat der Prew zu dem puch gelegt.