Eintrag vom 1442-03-21Informationen zum Dokument

Andre Dietram, burger zu Wienn, hat versaczt sein haws darinn er yecz wonhafft ist, gelegen bey den Langen Tuchlauben am egk vor dem Kamerhof genant dacz Wintterhaws zenagst dem andern seinen haus, das er von Liebpharten Wachsgiesser gekauft hat. Dem erbern Wilhalm Merttinger, burger zu Wien, und frawn Annen, weilnt seiner hausfrawn Berchtoltz Schuczperger seligen tochter, nágsten erben, den das rechtlich zugehóret, umb zwaihundert pfunt wienner pfening¹. Also alle die weil der egenant Dietram und sein erben die egenanten cc tl. d. innhabent, so sullent si dem egenant Merttinger sein lebtteg alle jar davon raihen und dienn xx tl. d. zu den drin tégen im jar an sand Michels tag zu Weichnachten und an sand Jorgen tag zu yeden tag vi tl. v s. x d. und wenn der egenant Merttinger mit tod abget so sullen denn der genant Dietram und sein erben die obgenanten cc tl. d. nach solhen des Merten Merttinger abgang ynner dem nagsten moneyd ausrichten und beczalen der obgenanten frawn Annen seligen nagsten erben den das rechtlich zugehoret anverziehen, ut littera sonat. Actum an Mitichen nach Judica in der vasten, anno etc. xliido.

Summa xiii s. x d.