Eintrag vom 1451-07-28Informationen zum Dokument

Andre Awer hat versaczt sein halbs haws, so im gegen seim vatern Steffan dem Awer an rechtter tailung gevallen ist, ganczes gelegen am Graben zenagst maister Thomans Goltsmids haus an aim tail, und ist der ander tail des egnanten hauss mit allen den geméchen und gemainen stucken, die nach lautt der tailbrief darczu gehörnt. Der edln fraun Magdalen, Symons Èschpan seligen tochter und hern St Hannsen Steger munssmaister in Osterreich hausfraun und irn erben, oder wem sy die schafft, macht oder geit, umb zwaihundert phund Wienner phening der swarczen münss. Und sind zu beczalen von dem nagstkünftigen sand Michels tag uber ain ganczes jar an alles vercziehen, ut littera sonat. Actum an Mitichen nach sand Jacobs tag im snit, anno etc. lio.

Summa xiii s. x. d.