Anthoin Eysenkekch hat versaczt sein haws, gelegen in der Kernerstrass zenagst maister Hannsen Zeller haws, seiner swester junkchfrawn Helen, die noch nicht vogtper ist, umb sechundsechczig Ungrisch guldein, gerecht in gold und wag. Und sind zu beczallen, wann dieselb Helen vogtper wirdet, darnach inner dem nagsten halben jar anvercziehen. Wer aber, das dieselb Helen mit dem tod abging ungevogt, so sullen dann dieselben sechsundsechczig guldein gevallen Hannsen Eysenkekch dem goltsmid, irm vater, ob er dieselb zeit in leben ist. Wer aber er dieselb zeit nicht in leben, so sullen denn dieselben sum guldein gevallen und gegeben werden den geistlichen frawn hincz Sand Jacob zu Wienn durch desselben Hannsen Eysenkekch und Agnesen seiner hawsfrawn sel hails willen. Actum an sand Elspeten tag, anno etc. lx.

Summa iii s, x d.

Nota den sacz habent die egenanten geistlichen frawn zu Sand Jacob ledig gesagt und ain quittung daruber zum puch erlegt. Actum an Freitag vor Steffan im snit, anno etc. lxxii.