Eintrag vom 1462-02-26Informationen zum Dokument

Anders Awer, burger ze Wienn hat verkaufft sechsunzwainczigk pfunt Wienner pfennig purkrechts auf seinem hawss mit seiner zugehroung, gelegen undern Satlern ze Wien zenagst Andreen Hofmaister des kursner hawss an ainem tail. Dem hochgelerten ersamen und weisen maister Micheln Puff von Schrikh, lerer in der erczney und Steffan Awer, seinem vater und allen irn nachkomen volfürern und ausrichtern frawn Margrethen, des egenanten Andreen Awer mutter seligen gescheft zu hannden, des spitals vor Kernertor des egenanten purkrecht inzuhaben, ze nuczen und ze niessen, als annder gult, so zu dem egenanten spital gehört. Umb tausent pfunt Wienner Pfennig, die emaln auf Steffan des Syberg seligen ettlichen erbgutern gelegen sind, in solcher maynung, daz die obgenanten sechsundzwainczigk pfunt pfennig purgkrecht zu hannden und nucz der armen lewt in dem vorgenanten spital gedient sullen werden, alle jar zu den vier quatembern, zu yeder quatember sybenthalb pfunt pfennig ungeverlich, ut littera sonat. Actum an Freytag vor Esto Mihi, anno etc. lxii.

Nota summa viii tl. lxxx d.

Meister Mertt Guld, spitalmaister habet cedulam.

Meister Mertt Guld, spitalmeister habet iterum unam cedulam.

Der sacz ist ausgetanz ex jussu consulis Udalrici Metzleinstorffer, magistri civium et aliorum consulum, dato viia Mathei apostol et evangeliste, anno etc. lxv.

Nota des obgenanten hauss ist fraw Elspet Dörfflin etc.¹ nucz und gewer pracht und hat dem spital die tausent t d wider darauf verschrieben auf folium Cv. Und der obgemelt saczbrief ist und ainem bewörbl zedl desselben sacz aus dem gruntpuch sind noch unversert vorhanden. Und Wolfgang Rueland, spitalmaister hat darumb ain schermb auf zum puch erlegt. Actum via sancti Mathei apostoli et evangeliste, anno etc. lxvo.