Allex Tewfl hat versaczt die ubertwrung seins hauss, gelegen in der Goltsmidgassen zenagst weilent Lewpolts Weyler hawss an aim tail, über die vier sacz, die vormalen darauf sind nach laut des saczpuchs. Dem erbern Petern Gahinger, slosser, Helen seiner hausfrawwn und seinen erben umb tzainczigk pfunt Wienner pfennig und sind zu beczalen auf unnsern lieben Frawen tag der Liechtmess, schirstkünfgtigen an alles vercziehen. Und ob man das hawss hinfür verkauffen wolt, so sol man das dem¹ egemelten Petern Gahinger vor meingklich empieten und ze kauffen geben für anndre lewt, dabei sind gewesen, Ulreich Stadlmair und Lienhart Raver, vilczhueter, baid genant purger ze Wienn. Actum an Montag vor Marie Magdalene, anno etc. lxiio.

Summa xl d.