Agnes, Erharten des Strasser seligen witib hat veraczt ir halbs haws, gelegen gegen Salczpurger hof uber1, den erbern Steffan Hirssawer und Hainreichen Ursenperger, burgern zu Wienn, an stat und zu Hannden Wernhardens, der benanten Erharten Strasser und Agnesen seiner hausfraun sun, der noch ungevogt ist. Umb virundsechczig phunt Wienner phennig, die im von seins väterlichen erbtails und von des obgenanten ganczen hawss wegen zugepurn. Und sind zu beczaln, wann der egenant Wernharden vogtper wirt, oder, ob er ungevogt mit tod abging, alsdann sein nagsten erben, den die rechtlich zugepurn anverziehen ungeverlich. Actum an Sambstag nach Jacobi appostoli im snyt, anno etc. lxiiio.
Summa iiii s. d.
Steffan Strasser habet cedulam.
Nota die obgenanten lxiiii tl. d. hat Stephan Strasser und sein geswistreid geerbt und dero hawss in der burgerschran mit recht erlangt.