Eintrag vom 1463-04-04Informationen zum Dokument

Anna, hern Leopolts Hollczler hausfrau, die emalen Hainrichen Hayden auch eelichen gehabt hat, hat versaczt irs muterlichen erbs, die ubertwrung irs hawss mit seiner zugehorung, gelegen in der Goltsmidgassen ze Wienn zenagst ettwenn Hainrichs Enczesfelder hawss. Uber die zwayhundert Ungrischer gulden, daruber dasselb hawss vormalen dem erwirdigen herrn Ulrichen Rieder, tumbrost ze Freysing seligen und seinen erben verschrieben ist. Dem erbern Nicalsen Knawss und Dorothen und Dorotheen seiner hausfrawen umb hundert pfunt Wienner pfenning und sind zu beczalen von den zinsen des egemelten hauß, solang uns sy der obgemelten summ gelts ganncz beczalt und ausgericht sein, ungeverlich. Actum an Montag post diem Palmarum, anno etc. lxiiio.

Summa vi s. xx d.

Knauss habet zedulam.