Agnes, Hannsen Larencz des schuester seligen witib hat verkaufft dritthalb phunt Wienner phenning gelts purkrechts auf der ubertewrung irs hawss, gelegen in der Kernerstrass zenagst Cristans Wissinger hawss, uber die xlii tl. v. s. und x. d., darumb es vormaln Wolfgangen irem pruder, der noch ungevogt ist, und seinen erben versaczt ist. Umb xx tl. d. dem erbern gelerten maister Thoman Lisst, canot dacz Sand Stephan zu Wienn und verweser der ewigen mess, so zu der egenanten cantorey gestifft ist worden, und seinen nachkomen verwesern derselben mess. Und sind zu dienen zu dren tegen und widerum abczekauffen miteinander it xx tl. Wienner d. und den nagsten dinst damit, ut littera sonat. Actum an Montag nach dem Suntag Oculi in der vassten, anno domini etc. lxviimo.

Summa xl d.

Nota das purkrecht ist abgelosst und auf Petern Libgestain haws in der Strauchgassen verschrieben, utz libro obligationum novo E, folio 9.