Eintrag vom 1467-06-10
Anna, Jacoben Trakh, burger zu Wienn hausfraw und Agnes ir swester, Hannsen Innglstetter hausfraw haben versaczt ir hawss, gelegen am Harmarkt bey den fleischpenkhen, zenagst Cirnos Waczlab des wuntarczt hawss. Dem ersamen hochgelerten maister Jorgen Steyregker, lerer geistlicher rechten, irem lieben pruder und seinen erben umb zwayhundert phunt Wienner phennig, die im fraw Dorothe ir aller dreyr mutter, Mathesen Salczer seligen witib auf dem obgenanten hawss geschafft hat nach laut irs geschäffts, daz im statpuch hingeschriben stet. Und sind zu beczalen, wann sy die evordernt und nicht lennger peiten wellen, darnach inner dem nagsten moneid an alles verziehen getrewlich und ungeverlich. Actum an Mitichen post Primi et Feliciani, anno domini etc. lxviimo.
Summa xiii s. x d.
Steyregkher habet cedulam.
Steffan Salczer kursner habet cedulam.
Zitierhinweis
Eintrag vom 1467-06-10 , Nr. 00116, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00116_1467-06-10.html