Andre Makhl, vischer, und Elspeth sein hausfraw habend versaczt die ubertewrung irs haws, gelegen vor Werdertor zenagst Linharts Kochleins hawss. Über die virczigkh phunt phennig gelts purkrechts, darumb es vormalen dem capplein der mess, so weilent Stephan Helmreich auf Sand Peter und Sand Pauls altar in Sand Johanns cappellen daselbst vor Werdertor gestifft hat, versaczt ist. Dem edeln vessten ritter, herren Hannsen Mulfelder und seinen erben umb zweliff Ungarischer gulden, gerecht in gold und wag und sind zu beczalen an sand Margrethen tag nagstkünfftigen an alles verziehen getrewlich und ungeverlich. Actum an Montag nach sand Allechsen tag, anno etc. lxviimo.

Summa xxiiii d.

Herren Hanns Mulfelder habet cedulam.

Von der egenant Hanns Mulvelder ist der vorgenanten und gehornt summen guldein beczalt, ut quittung, die zu dem puch erlegt ist.