Eintrag vom 1472-08-05Informationen zum Dokument

Barbara, Linharts Vorchtenawer seligen witib hat versaczt ir hawss mit seiner zugehorung, am Kienmarkt gelegen, zenagst frawen Kathrein Odenagkerin hawss an ainem tail und an dem andern zenagst weilent Hannsen Veyal des fleischagker seligen hawss. Steffann irm sund, der noch ungevogt ist, den sy bey dem obgenanten Vorchtenawer irm mann seligen elichen gehabt hat, umb dritthalbhundert phunt phennig, die im derselb sein vater seliger geschafft hat. Und sein zu bezalen, wann derselb Steffan vogtper wirdet und zu seinen beschaiden jaren kumbt, darnach an alles verziehen. Wer aber, das er ungevogt mit do abgieng, so sullen aus der bemelten sum phennig gevallen und geben werden fünfftzig phunt phennig durch des obgenanten Vorchtenawer seins vaters seligen sel hails willen. Und die ubermass zwayhundert phunt phennig sullen der egenanten Barbaren lediclich beleiben und voligen nach lautt des yetzgenanten Vorchtenawer irs manns seligen geschefts, daz im statpuch zu Wienn geschriben stet. Actum an Mitichen sand Oswalts tag, anno domini etc. lxxii.

Summa ii tl. xx d.

Nota dieser sacz ist sambt dem haws an fraun Margaretha laut des gerichtsurkund dem statpuech umgeschriben kommen und abgethan worden. Actum 6 February 34.