Barbara, Steffans Gusner hausfraw hat versaczt ir hawss, gelegen innerhalb Stubentor am egkh zenagst weilent Thomas Grenkh des oler seligen hawss, dem ersamen weisen Linharten Radawner, diczeit des rats und kamrer der stat zu Wienn und seinen erben umb zwyhundert umb sibentzig Ungrisch guldein, gerecht in gold und wag. Und sein zu bezalen zu sand Michels tag des vierundsibentzigisten jars nagstkunfftigen, darumb sich der obgenant Gusner und die bemelt sein hausfraw Barbara verunschaidenlich verschriben haben, ut littera sonat. Actum an Freitag vor Unser Lieben Frawen tag Assumptionis, anno domini etc. lxxiiio.

Summa iii tl. d.