Bertlme Grüentl und Anna sein hausfraw habent verkaufft zehen phunt Wienner phening gelts purkrechts auf irem halben hawss mit seiner zugehorung, gelegen am Kienmarkt zenagst weilent Kunrats Stephl des kursner hawss und stösset hinden an den Perkhof. Umb hundert phunt Wienner phening, die vormalen gewesen sein auf Fridreichen Gerunger haws am Kienmarkt, die man damit darab gelosst hat. Dem erbern priester, heren Niclasen Lempl, capplan der ewigen mess, die weilent maister Gerhartt Vischwekh, korherr zu Sand Steffan zu Wienn daselbst gestifft hat und seinen nachkomen kapplén derselben mess. Und sind zu dienn zu drein tegen im jare und widerumb abzekauffen miteinander mit hundert phunt Wienner phenig und den nagsten dinst damit, ut littera sonat. Actum an Mitichen vor sand Elspethen tag, anno domini etc. lxxiiio.

Summa vi s. xx d.

Nota die egenanten kanleút habent das burkhrecht auf ainem haus, so sy von Petern Pircher, vleischakher, und seiner hausfraun gekaufft, verschriben, ut libro novo E, folio 139.