Conrat Oczestorffer, mitburger zu Wien, hat verkauft zehen pfunt pfening geltz purkrechts auf seiner fleischpank, gelegen under den Fleischpenken am Liechtensteg pey der Morinn zenagst weilent Thomans Pairn fleischpankch. Umb hundert pfunt pfening, und sind emalen gelegen auf Thomans Zetter haus, der erbern Margreten, Hansen des Poben seligen witib, und Kathrein, der Linfelderinn irer tochter, die si mit dem benanten Poben gehabt hat. In der maynung daz die benant Margret das egenant purkrecht, dieweil die benant ir tochter in leben ist, innhaben nuczen und niessen sol. Ging aber die benant Margret ab ee die vorgenant ir tochter, so sol dann das egenant purkrecht erben und gevallen auf dieselb ir tochter lediklich. Wér aber das dieselb ir tochter stúrb ee ir muter, dann so sullen dieselb Margret und ir erben das egenant purkrecht lediklich haben und allen irn frumen damit schaffen, ut littera sonat. Actum an Freitag nach sant Jacobs tag im snit, anno etc. xliido.

Summa vi s. xx d.

Dacz vorgenant purkrecht hat fraw Kathrein, Erharts von Asparn statschreiber zu Kornnewenburg hausfrau, ledig gesagt, an sand Elsbeten tag, anno etc. xlviiiio.