Eintrag vom 1443-03-13Informationen zum Dokument

Kristoff Oczestorffer und Dorothe, sein hausfraw, habent versaczt Sttephan Awer spitalmaister der Burgerspital vor Kernertor zu Wienn und seinen nachkomen spitalmaistern an ir haus und zuhaus mit aller seiner zugehorung, gelegen im gesslein an dem Alten Fleischmarkht zenagst Ménharts des Fleischhakcher haus an ainen tail und an dem andern zenagst Andres des m Weinkoster haus, und stosset mit dem hindern tail an den Heiligen Krewczerhof, davon man jerlich dínt herrn Jorgen Harperger, caplan der mess, die Ludweig der Húnrer dacz Sant Steffan gestift habent hat, sechs phunt und sechs schilling pfening und dem caplan der ewigen mess die Eberhart der Kasstner in Sant Peters kappellen hie gestifft hat, xii ½ tl. d. alles ze purkrecht und nicht mer. Umb ain mal und pad daz sy durch frawn Kathrein der Schenkemarkhtin sel hails willen den armen leuten daselbs im spital alle jar zu Unsers Herren Auffert tag davon ausrichten und geben sullen. Und wenn si dasselb mal und pad wider abkauffen wellent daz múgen si tun mit funfczig pfunt pfenigen, ut littera sonat. Actum an Mitichen nach sant Gregorien tag, anno etc. xliiio.

Summa iii s. x d.

Nota den obgenant satz hat Kristoff Oczesdorffer allain auf sich und das obgenant haws und zúhaws genomen, wann er nach abgang der obgenant Dorotheen seiner hausfrau seligen umb dasselb hauss allain nutz und gewer komen ist.