Eintrag vom 1471-03-11Informationen zum Dokument

Cristina, Hannsen Ponhaim hausfraw hat verkaufft dritthalben guldein Hungrisch gelts jerlicher gult auf der ubertewrung irs hawss, mitsambt den ledenn, an dem Luegegkh bey den fleischpenkhn gelegen. Und stosset mit hinder tail an das zymer auf der press, bey der hinder infartt, imhalt der tailbrief darum ausgangen. Uber die funfhundert phunt phening haimsteuer und morgengab, darumb es der egemelten Cristian vormalen verschriben ist, umb fünfftzigkh Hungrisch gulden, gerecht in gold und wag¹. Dem ersamen priester, heren Hainreich am Prunn, zu hannden und ausrichtigung der ewigen wochenmess und jartag, so Hanns Froner, weilent burger zu Wienn seliger in Allerheiligen tumbkirchen zu Sand Stephan daselbs ze stifften geschafft hat, innhalt seins gescheffts, daz im statpuch hie geschriben stet, und seinen nachkomen. Und sind Zu becza zu dienn zu zwain tégen im jar und widerumb abzekauffen mit fünfftzigkh Hungrisch guldein und den nagsten dinst damit.² Actum an Montag vor sand Gregorgen tag, anno etc. lxximo, ut littera sonat.

Summa iiii s. x. d.

Nota das gemelt burkrecht ist abgelost und von Clawsten Has dem seidennater und Margrethen seiner hawsfrauen auf ir haws genommen worden per librum obligationum novum E, folium 162.