Eintrag vom 1471-09-04Informationen zum Dokument

Cuntz Reyff, burger zu Wienn hat versact seinen halben tail hawss, gantzes gelegen auf der Moring zenagst lreichs Kerner haws an aim tail, und ist der annder tail mit allen den gemechein und gemain stukhen, so nach lautt der tailbrief dartzu gehorn. Der erbern Brigiden, Merten Mandl hausfrawn und irn erben umb zwayhundert phunt Wyenner phening guter landeswerung in Osterreich. Und alle dieweil derselb Reyff oder sein erben in dieselben zwayhundert phunt phening nicht beczalln, sullen sy in jerlich davon raichen und geben acht phunt phening der egenanten munss, zu zwain tegen im jar, zu Weichnachten halben tail und zu phingsten den andern halben tail, mit allen den nutzen und rechten, als man annder selb gult in der stat zu Wienn raicht und gibt. Und sullen mit der ersten zallung anheben zu Weichnachten nagstkunftigen an alles vertziehen. Und wann das ist, das derselb Reyff oder sein erben die vorgenanten acht phunt phening jerlicher gült wider abkauffen wellen, das sy das mugen getun, zu welher zeit im jar sy des verlust, umb die egenanten zwayhundert phunt phening. Doch also, das die der vorgenanten Brigiden wider angelegt werden, als haimstewr und der stat zu Wienn recht ist. Desgleichs, ob dieselb Brigida oder, ob sy nicht enwer, ir nagst erben der obgemelten gult nicht lennger austen lassen, sunder die haben wollten, so sulln sy in das ain gancz jar vor hin ze wissen tun. Und nach ausgang desselben jars nach irer ersten ermonung in dieselben acht phunt phening jerlicher gult zusambt den obgenanten zwaynhundert phunt phenigen betzaln und ausrichten an alles verziehen, ut littera sonat, der hinder den rat erlegt ist. Actum an Mitichen nach sand Giligen tag, anno domini etc. lxximo.

Summa vi s. xx. d. propter priorem.