Dorothe, Erharts Ottentaler seligen witib hat verchaufft funf pfunt funf schilling und funczehen pfening gelts purkrechts auf der uberteurung irs hauss, gelegen am Kienmarkt zenagst weilent Larenczen des Sixten haus. Uber die hundert und virczig pfunt pfening, darumb es Affren und Margreten, Oswalts Wolfger des kramer und Ursulen seiner haufraun seligen kindern emalen in der stat gruntpuch versaczt ist. Umb newnundfunczig pfund und vir schilling pfening, der emaln gelegen gewesen sein acht pfunt pfening auf Linharts Gailperger haus in der Laymgrub und drewunddreissig pfunt und achczig pfening auf Hannsen Unverdrossen halben haus am alten Kolmarkt und sechs pfunt pfening auf Ulreichen Sikenfurter haus in der Krebserstrass und sechsthalb pfunt pfening auf Niclas Spilberger haus in der Laimgrub und die ubrigen sechs pfunt fünf schilling und zehen pfening von dinsten daczu komen sind. Dem erbern hern Symon von Recz, caplan der mess, so weilent die von Eslorn auf Goczleichnams altar zu Sant Michel gestifft habent, und seinen nachkomen caplenen derselben mess. Und sind zu dienn zu drein tegen und wider abczukauffen miteinander und den nagsten dinst damit, ut littera. Actum an Freitag sant Elspeten tag, anno etc. lvito.

Summa xii d., altera pars vacat propter summam priorem.