Eintrag vom 1460-05-07Informationen zum Dokument

Dorothe, Hannsen Spanring seligen witib hat versaczt ir haws, gelegen in der vodern Pekchenstrass zenagst Thomans Swarczen haws, Barbaren, irer tochtter, die sy bey dem egenanten irm mann Hannsen Spanring seligen gehabt haben, die noch nicht vogtper ist. Umb c tl. d., die ir der egenant ir man seliger auf allem seinem gut geschafft hat, und sind zu beczalen, wenn sy vogtper wirdet. Wer aber, daz sy ungevogte mit tod abging, so sullen dieselben phening gleich halb beleiben der obgenanten Dorothen, irer mutter lediclich. Und der ander halb tail sol gevallen auf des egenanten Spanrings nagst erben und frewnt in gleichen tail, ainem alsvil als dem andern ungeverlich, nach innhaldung desselben Spanring seligen geschefft, daz in dem statpuch zu Wienn geschriben stet. Actum an Freita Mitichen vor sand Pangretzen tag, anno etc. lx ii mo.

Summa vi s. xx d.