Eintrag vom 1445-02-22Informationen zum Dokument

Erhart Griesser, dieczeit des rats der stat zu Wienn, Niclas Ernst, statkamrer, und Linhart Grünpacher, burger daselbs, dieczeit ausrichtter und volfurer des geschéfts, so Ulreich Phanczagl seliger getan hat, habent dem ersamen herren, maister Hannsen von Meirs, pfarrer zu Gors und canczler, und seinen erben zu pfant gesaczt des egnanten Phanczagl seligen haus, gelegen in der Wolczeil zenagst Hainreichs Ingolsteter kursner haus an ainen tail, umb tausent pfunt Wienner pfening, die der benant Pfanczagl seliger pey seinen lebttegen dem benanten maister Hannsen Meirs schuldig ist worden, nach lautt zwairer besiglten geltbrief, die er noch unversert darumb hat, und sind zu beczalen, wenn die derselb maister Hanns von Meirs sein erben oder wem er die schafft macht oder geit ervordernt und nicht lenger peiten wellent. Darnach ynner den nagsten zwain moneiden an alles vercziehen, als das auch die egemelten geltprief ausweisent. Actum an Montag post Reminiscere in der vasten, anno etc. xlvto.

Summa viii tl. lxxx d.

Habet cedulam.