Erhart Futrer von Recz, der pogner zu Wienn, hat versaczt sein haus, gelegen undern Pognern zenagst Mertten Gruber des Pogner haus, davon man jerlich dint hern Hannsen dem Prenner, capplan der Floczer messe zu Sant Johanns im Werd, vi tl. d. und hern Mertten Frawndorffer, capplan der messe, so maister Seicz auf der Heiligen Drivaltigkait altar zu Sant Michel gestifft hat iiii tl. d. alles zu purkrecht und nicht mer. Seiner hausfraun Margreten, die weilent Conraten Kuphersmid vor Schottentor auch elichen gehabt hat, umb xxx tl. d., die ir haimsteuer und morgengab sind von demselben Kuphersmid und seinen geschefftleuten mit recht anbehabt hat nach lautt irs gerichtbriefs. Also das sy die innhaben, nuczen und niessen sol ir lebtteg, und nach irm abgang sullen sy erben und gevallen auf Dorothen, ir tochtter, die sy mit dem egenanten Kuphersmid gehabt hat, ob die aber nicht enwér, darnach auf ir négst erben darauf denn dieselb haimsteur und morgengab zurecht erben und gevallen sol, ut littera sonat. Actum an Freitag vor Oculi in der vassten, anno etc. xlvto.

Summa lx d.

Kristan Háfner habet cedulam.

Nota die egenant xxx tl. d. sind mit abgang der egenanten Margarthen ledig worden und erblichen komen und gevallen auf ir tochter Dorothen Kristans Pretschelhs des hafner hausfrau und darumb hat si den den benanten sacz Erharten Futrer ledig gesagt. Actum an Freitag vor sand Margreten tag, anno domini etc. liido.