Elspeth, Petern Rauch des zingiesser hausfrau hat versaczt ir haus, gelegen in der Wiltwerherstrasse am egk, zenagst dem gesslein, gegen heren Otten und Haymen cappellen uber, an aim tail und an dem andern zenagst des Rechweins zuhaus. Dem erbern Hannsen Stokchaimer umb hundert phund phening und ain gerichtts pett mit seiner zugehorung, die im ir erer man Erasm Harkircher, sein vetter seliger geschafft hat. Also das sy den mit dem benanten gút du aim weingarten, im Pheninggelt gelegen, innhaben und mit allen notdurfften versorgen, auch das gut nuczen und niessen sol an abslag. Uncz das derselb Stochaimer zwair undzwainczig jar alt wirdet, so sol sy im dann desselben seins guts abtretten. Sturb er aber ee wann er zwairundzwainczig jar alt wúrd, so sullen dann die egenanten phening und der weingarten in die bruderschafft zu Unser Fraun auf der Stetten gevallen, davon sy dann ain selambt daselbs alle Montag ewiclich zuvolpringen stifften sullen, nach lautt ains saczbruefs daruber gegeben. Actum an Mitichen vor dem heiligen Phingsttag, anno etc. xlviiiio.

Summa vi s. xx d.

Nota die egenanten c tl. d. und pett hat der Rauch beczalt nach lautt ains briefs. Actum an Mitichen vor Pangraci, lvto.