Erhart Marbacher der hufsmid hat versaczt sein haus, gelegen in der Wolczeil zenagst Dietz Starhants haus. Dem erbern Wolfgangen Scher und seinen leiberben umb lxxxx tl. d., die im weilent sein pruder Niclas Scher seliger geschafft hat, sein lebttég ze nüczen und nach seim abgang zugen allen auf sein leiberben, ob er die gwünet und hinder sein lat. Liesse er aber nicht leiberben hinder sein, so sullen von derselben sume phening acht arm junkfraun, yede mit zehen phund pheningen verheirat werden und von der ubermasse sullen des egenanten Niclasen Schern gescheftleut zu hulff seiner sela in romfart ausrichten, nach innhalt desselben Schern seligen géschefft. Und sind zu beczlaen und zu dem gruntpuch nyderczulegen auf die nagstkünftigen Weichnachten anvercziehen, ut littera sonat. Actum an Mitichen nach sand Urbans tag, anno etc. lio.

Summa vi s. d.