Eintrag vom 1463-03-04

Erhart Zudinger der kramer hat versaczt sein hawss, gelegen am Kyenmarkht zenagst Hannsen Gelesdorffer hauss, doch unvergriffenlich an den zehen pfundt pfening gelts purkrechtz, daruber es dem caplan der mess, die fraw Anna, Mertten des Reydegker im Vischof witib vorhin verschriben ist. Dem erbern Oswalden Nachtigal, seinem steufsun und seinen erben umb vierczigk pfunt Wienner pfenning. Und sind zu beczalen auf die nagstkünfftigen Weinachten an alles vercziehen. Actum an Freitag vor dem Suntag Reminiscere in der vassten, anno etc. lxiiio.

Summa lxxx d.

Nachtigal habet cedulam.

Nota der obgenant Oswalt Nachtigal hat den sacz ledig gesaczt am Freitag vor Lettare, anno etc. lxviimo.

Bild in neuem Fenster öffenen

Zitierhinweis

Eintrag vom 1463-03-04, Nr. 00369, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00369_1463-03-04.html