Erntraut, maister Veiten Griessnpekh hausfrau, die emalen maister Hannsen Newman, lerer in der ercznei seligen auch eelichen gehabt hat, hat versaczt ir gerechtikait, so sy hat an dem hauss, gannczes gelegen in der Weyhenpurgk zenagst ettwenn Hannsen Herolts des messrer hawss an ainem tail. Wolfgangen und Ursulen, des benanten maister Hannsen kindern, die er bey seiner erern hausfraun seligen gehabt hat, umb annderthalbhundert gúter Ungrischer gulden, gerecht in gold und wag, die in der egemelt ir vater seliger geschaft hat nach lautt seins Irs. Seins: Über dem durchgestrichenen irs eingefügt geschéfts, das im statpuch hie geschriben stet. Und sind zú beczalen, wann die egenanten kinder gevogt werden und zu irn beschaiden jaren komen, darnach wann sy die haben wellent anvercziehen. Und ob die benanten kinder an dem egemelten hauss der frawen gerechtikait daran icht abgang hieten oder gewunnen, das sullen sy haben und bekomen auf allem anndern derselben frawen Erntrauten hab und gút. Es sein erb oder farund gút, nichts ausgenommen, alslanng uncz sy der benante annderthalb hundert Ùngrisch gulden gantz betzalt und gericht sein ungeverlich. Actum an Mitichen vor Goczleichnams tag, anno domini etc. lxiii.

Summa nulla propter servicia mariti.

Ex iussu consily.

Nota die obgenant junkfraw Ursula ist umb irn tail lxxv gulden versorgt, ut fo. Ciiii sequitur.

Nota der obgenant Wolfgang Newman ist vogtper und seins tails aus den obgenanten 150 Ungrische gulden, der da bringt lxxv gulden, gantz und gar betzalt worden, ut quiitung. Und den satz so enthalben beym gruntpuch ledig gesagt von derselben lxxv guldein wegen Und diesen.