Eintrag vom 1464-06-22Informationen zum Dokument

Elspet, Wolfgang Prawer hawsfraw, die eemaln Hannsen Aicharn den tischer, mitburger zu Wienn seligen auch eelichen gehabt hat, hat versaczt ir haws, das vormalen ain halbs haws gewesen und gelegen ist, in der Kernerstrass, als das mit plankhen ausgeczaigt ist, zunagst Wilhalm des Pekhen haws mit der obern seyten und mit der nidern zunagst Micheln Anthofer des glogkengiesser haws. Do man von demselben haws und des yeczbenanten Anthofer haws alle jar dint dem capplan der ewigen mess, so die Walchpekhen auf Unser Fraun altar icz Sand Michel zu Wienn gestifft hat, vor phunt phening zu purkhrecht und nicht mer. Jacoben, des obgenanten Hannsen Aicharn und der benanten Elspeten seiner hausfraun irer baider sun, der noch nicht vogtper ist, umb sechczig phunt phening, die im derselb Aicharn sein vater auf dem obgenanten haws geschafft hat. Doch also, ob der benant Jacob ungevogt mit tod abgieng ee dann die egemelt Elspet sein mutter, das dann dieselben sechczig phunt phening gevallen sullen auf dieselben Elspeten sein mutter nach lautt seins gescheffts, das im statpuch die zu Wienn geschriben stet. Und sind die obgenanten sechczig phunt phening zu beczallen, wann der egenant Jacob vogtper wid anvercziehen ungeverlich. Actum an Freitag vor Johanns baptiste, anno etc. lxiiiito.

Summa ½ tl. d.