Elspet, Wolfgangs Parawer hausfraw, die emaln Hannsen Aicharn den tischer, mitburger zu Wienn seligen auch elichen gehabt hat, versaczt die ubertewrung irs hawss, das vormaln ain halbs haws gewesen und gelegen ist in der Kernerstrass, als das mit plankchen ausgeczaigt ist, zenagst Wilhalm des Pekchen haws mit der obern seytten und mit der undern zenagst Micheln Anthofer des glogkengiesser haws. Do man von demselben haws und des yecz benanten Anthofer haws alle jar dint dem capplan der ewigen mess, so die Walichpekchin auf Unser Frawn altar hincz Sand Michel zu Wienn gestifft hat, vir phunt phening zu purkrecht und nicht mer. Uber die sechtzig phunt phening, die Jacoben des obgenanten Hannsen Aicharn und der benanten Elspeten seiner hausfraun ir baider sun, der noch nicht vogtpér ist, vormaln darauf verschriben sein. Dem erbern Jacoben Trakchen, burger zu Wienn, Annen seiner hausfrawn und irn baiden erben umb ainundvirtzig Ungrisch guldein, gerecht in gold und wag, mynner fufundvirtzig phening. Und sind zu beczallen auf die Weinachten nagstkunftigen an alles vercziehen. Actum an Montag vor sand Margreten tag, anno domini etc. lxiiiito.

Summa iii s. vi d.