Erhart Öettl, fleischakher, mitburger ze Wienn hat versaczt sein drittail hawss, gantzes gelegen am Kyenmarkht gegen der Gennigker hof über, mit allen sundern und gemainen stukhen, die nach lautt der tailbrief darczue gehörent. Der erbern frawn Kathrein seiner hausfraun, Larenczen Stich seligen tochter und irn erben umb drewhundert phundt Wienner phening, die von irs hauss wegen, gelegen am alten Fleischmakrht, das sy Mertten Kalher und Margrethen seiner hausfrawn ze kauffen geben und dasselb gelt dem benanten irm mann Erharten zu seinem nutz gelihen hat, herkomen sind. Und sind zú beczalen, wann die obgenant fraw Kathrey die vordert und nicht lennger peiten will, darnach in dem nagsten monet ungeverlich. Actum an Unserem lieben Frawn abend Nativitatis, anno etc. lxiiii°.

Summa xx s. d.