Erntraut, maister Veiten Griessenpek hausfrau, die emalen maister Hannsen Newman von Prawnaw seligen auch elichen gehabt hat, hat versatzt irn tail und gerechtigkait, so si hat an aim haus, gelegen in der Weichenpurgk zenast ettwenn Hannsen Herolts des messrer haus an aim tail. Junkfrauen Ursulen, des benanten maister Hannsen Newman seligen tochter, die er bey seiner erern hausfraun seligen gehaabt hat, umb lxxv Ungrischer gulden, die ir derselb ir vater, wann si vogtper wirdet, für allen irn väterlichen und mütterlichen erbtail geschafft hat zu geben nach lautt seins gescheffts, das im statpuch zu Wien geschriben stet. Actum an Eritag sand Elspethen tag, anno domini etc. lxvto.

Summa nulla propter officium.

Den sacz hat Wolfgang Newman ubergeben maister Veiten Griessnpekhn, statschreiber zu Wienn und seinen erben und hat im daz gelt bezalt. Und mag die lxxv gulen nach lautt dez satz auf dem haws haben, ut ubergabrif, mit der stat grunt insigil gefertigt. Actum an Sambstag vor Pangracii, anno domini etc. lxxviio.

Nota die obgnant Ursula ungevogt mit tod abgangen und die lxxv gulden sein auf Wolfgangen iren bruder gevallen, nach lautt des benanten geschefts. Irer maister Veit Griessnpekh hat an den lxxv gulden ausgericht xxxv gulden und mag die darauf haben, nach lautt der verschreibung darumb ausgangen.