Ernreich Köpl, dietzeit des rats der stat zu Wien hat versatzt sein halbs haws, gantzes gelegen in der Münnserstrass zu Wienn gegen Sand Margrethen kapelln uber, zenagst Lewpolts des Weissen haws, das ettwen hern Hannsen des Zingken gewesen ist. Und ist der erst tail desselben haws mit allen den gméchen und gemain stukhen, so nach lawt der tailbreif darumb ausgangen dartzu gehörnt. Dem erbern priester hern Petern Umbendumb, achter zu Sand Stephan und dem ersamen weisen Anndreen Schönprugkner und Jacoben Münichmair, burgern zu Wienn, all drey ausrichter und volfurer des gescheffts, das fraw Ursula, Hannsen von Eslorn, weilent burger zu Wienn seligen witib getan hat, und irn nachkómen zu hanndten und ausrichtung des obgenanten geschéfts. Umb zway hundert und sybenunddreyssig phundt pheningen und sind zu beczallen halb zu den Weichnachten und den andern halben tail zu sand Jorgen tag, baid feist nagst nacheinander kunftig an alles vertziehen, trewlich und ungeverlich. Actum an Freitag vor sand Kolmans tag, anno domini etc. lxvi.

Summa nulla propter officium.

Nota der benant Köppl hat an dem satz bezalt und zu dem gruntpuch erlegt hundert Ungrische gulden in gold an Mitichen post Oculi, anno etc. lxviimo. Und hat die ubermass Hat er auch zu dem erlegt an Eritag ante [ter…] [virg…], anno etc. lxviii.