Erhartt Huss der pekh hat verkaufft vier phunt phening gelts purkrechts auf seinem hawss, gelegen in der Walichstrass, zenagst dem Padkeller an ainem tail und an dem andern zenagst Ulreichs Pernawer des gurtler hawss, umb virtzigkh phunt Wiener phening und sein emalen gelegen gewesen auf Fridreichs Arntolts des kursner hawss. Dem ersamen priester heren Lienharten Lengholczer, obristen capplan Sand Peters cappellen an Sand Peters freithof, diezeit verweser der mess, so Eberhartt Kasstner¹ daselbs zu stifften geschafft hat, und seinen nachkomen verwesern der yeczgenannten mess. Und sind zu dienn zu drein tegen im jare und widerumb abzekauffen miteiannder mit virczigkh phunt Wienner phening und dem nagsten dinst damit, ut littera sonat. Actum an Freitag vor sand Peter und sand Pauls tag apostolorum, anno domini etc. lxximo.

Summa lxxx d.