Erhart Suess, vilczhueter, und Ursula sein hausfraw habent versaczt die ubertewrung irs hawss, gelegen im Lederhof an des hertzogen hof, zenagst Ulreichs Hertreichs haws an aim tail, uber die hundert und funfunddreissig Ungrisch guldein, so Kunraten Reyffen vor darauf verschriben sein. Petern Awer, Wolfgangs Awer des vilczhueter seligen sun, den er pey der obgenanten Ursulen elichen gehabt hat und noch ungevogt ist, und seinen erben vaterhalben umb dreissig Ungrisch guldein, gerecht in gold unnd wag, die im von des obgenanten hawss wegen für seinen väterlichen erbtail zugepürn. Und sind zu beczaln, wann er vogtper wirdet, oder, ob er ungevogt abging, sein nagsten erbn wie vor stet Ungeverlich an abslag und an alles vertziehen, getreulich und ungeverlich. Actum an Freitag vor sand Urbans tag, anno domini etc. lxximo.

Summa lxxii d.