Fridreich Gerunger hat versaczt sein haus mit seiner zugehörung, so er von Wilhalm Merttinger und seiner hausfraun gechaufft hat, gelegen am Kienmarkt zenagst Erharts des Stecher haus, davon man jerlich dint dem capplan der messe, die weilent maister Gerhart Vischbekch, korherr dacz Sant Steffan gestfft hat, zehen pfunt pfening zu purkrecht und nicht mer. Dem edln vesten ritter, hern Wernharten dem Drukseczen von Grub und seinen erben umb virhundert und sibenczig Unger und ducaten guldein, gerecht in gold und wag. Und sind zu beczalen auf sant Pertlmes tag nagst künfftig an alles vercziehen, ut littera sonat. Actum an Montag sant Lucein tag, anno domini etc. lvito.

Summa iii tl. vii s. x d.