Fridreich Arnolt, kürsner, hat versaczt die übertewrung seins hawss, gelegen am Kienmarkt zenagst weilent Hawnolten Schüchler hawss im Winkhel, über die lxxxv tl. d., die junkhfrawen Annen seiner tochter vor darauf verschriben sein. Auch über die zehen phunt phening gelts purkrechts, so dem cappl der mess, die Eberhartt Kasstner hincz Sand Peter gestifft hat und abzelosen sind mit hundert phunt phening nach lautt ains purkrechtbriefs, und über die sibentzigkh phunt phening, die er seiner hausfrawn Magdalen nachmalen darauf verschriben hat. Dem erbern Hannsen Tullner, seinem aidem, oder, ob er nicht enwer, seinen nagsten erben oder wem er die schafft, umb lii tl. und lx d. So er im und seiner hausfrawn Elspethen mit recht anerlanngt hat nach lautt der gerichtbriefs darumb ausgangen. Und sind zu beczalen von dem nagstkünfftigen sand Jorgen tag uber ain ganncz jare Und vo an alles verziehen, nach innhalt der beredzedlen daruber ausgangen. Actum an Eritag vor sand Mathias tag Apostoli, anno etc. lxviiivo.

Summa iii s. xiiii d.