Fridreich Gsméchl und Barbara sein hausfraw habend versaczt ir hawss mit seiner zugehörung, gelegen under den Langen Tuchlauben vor dem Kamerhof, zenagst Jorgen Kramperger haws an ainem tail, genant das Winterhawss, ausgenomen die zway gwantgwelb, so darunder ligen, der ains Bertlmen Atzinger und das ander Barbara, Hannsen Mursteter hausfrawen zugehören. Den ersamen geistlichen frawen, Margrethen priorinn und dem convent gemain zu der Hymelporten hie ains und der erbern frawen Barbaren, Hannsen Marcharten seligen witiben des andern tails, iren erben und nachkomen¹ umb sechshundert und zehen Ungrisch guldein, gerecht in gold und wag. Und sind zu beczalen jerlich hundert Ungrischer guldein, solang uncz sy der bemelten sume guldein haubtgut ganntz und valliclich beczalt werden. Und sullen mit der erssten beczalung anheben zu dem nagstkunfftigen sand Urbans tag, also fur und für uncz auf ganntze bezalung, als vor stet an alles verziehen, getrewlich und ungeverlich. Actum an Montag nach sand Urbans tag, anno etc. lxxmo.

Summa v tl. iiii s. d.

Die frauen von Himelporten habent cedulam per Zeller.