Eintrag vom 1473-01-29Informationen zum Dokument

Hanns Ennser, riemer, und Margreth sein hausfraw habent versaczt ir haws, gelegen mit ainer seytten zenagst Sand Jacobs freythoftor und an der andern zenagst dem hawss, genant der Erich. Der erbern Barbaren, Merten von Krembs der portenburher seligen witib und iren erben umb dreissigkh phunt phening und sein zu beczalen inner der nagsten jarsfrist an alles verziehen, getrewlich und ungeverlich. Actum an Freitag nach sand Pauls tag Conversionis, anno etc. lxxiiio.

Summa lx d.